GREAT ZIMBABWE HOTEL

Naaste hotel aan die Great Zimbabwe Monument.

Tel: +27 (0) 21 855 0395
BESPREEK NOU >>


Great Zimbabwe Hotel - Algemeen

Jy sal nie verblyf kry wat nader aan die “Great Zimbabwe” Monument (of Zimbabwe-ruïnes) is as die Great Zimbabwe Hotel nie. Die hotel is minder as ‘n kilometer van Zimbabwe se beroemde Wêrelderfenisterrein geleë. Jy het dus die geleentheid om soveel moontlik van hierdie merkwaardige plek te kan sien.

 

Die Ligging

Die Great Zimbabwe Hotel is slegs 20 km van Masvingo af.

 

Akkommodasie

Die hotel bied ruim en gerieflike akkommodasie in 38 kamers – enkelkamers en dubbelkamers (met twee enkelbeddens of ‘n dubbelbed). Hulle het ook ‘n gesinsuite, ‘n deluxe suite en ‘n aantal standaardsuites in nabygeleë satellietgeboue. Die kamers kyk almal op ‘n binnehof met digte plantegroei uit. Die suites en die kamers is almal en-suite en toegerus met tee/koffie-stasies, telefoon, digitale satelliet-TV en haardroër. Kamerdiens is vanaf 07:00 tot 21:30 beskikbaar en ‘n wasgoeddiens is beskikbaar vir die gerief van gaste. Dit is dus geen wonder dat bekendes soos Nelson Mandela en Koningin Elizabeth II al hier tuisgegaan het nie.

Die Great Zimbabwe Hotel kan ook klein konferensies huisves. Daar is twee konferensiekamers – ‘n kleiner kamer vir tot ‘n 100 mense, en ‘n groter kamer vir tot 250 mense. Standardtoerusting sluit TV, VCR/DVD, oorhoofse projektors, witborde en blaaiborde in. Omdat die Great Zimbabwe Wêrelderfenisterrein so naby is, is die Great Zimbabwe Hotel ‘n baie gewilde troubestemming in Zimbabwe.

Die “Great Enclosure” Restaurant by die Great Zimbabwe Hotel bedien heerlike a la carte en buffet-spyskaarte. Die dekor in die restaurant weerspieël die kenmerkende klipwerk van die Zimbabwe-ruïnes, en die diens is warm en vriendelik. Die kroeg bedien ‘n groot verskeidenheid alkoholiese en nie-alkoholiese drankies, asook ligte versnaperinge. As dit jou eerste besoek aan die hotel is, onthou om die “Great Zimbabwe Rocks”-skemerkelkie op die proef te stel. Indien jy beplan om ‘n daguitstappie te onderneem, kan jy vra vir ‘n voorafbereide ontbyt en middagete.

 

 

Aktiwiteite

Alhoewel besoekers hoofsaaklik hul aandag op die Great Zimbabwe Wêrelderfenisterrein toespits, is daar ook ‘n swembad, tennisbaan en vlugbalbaan vir die gaste. Die aktiwiteite is slegs ‘n kort stappie van 2 minute van die hotel se hoofkompleks. Daar is ook twee snuisterywinkels, waar jy interessante geskenke vir die vriende en familie tuis kan koop.

Ons bied ‘n aantal begeleide toere na die Great Zimbabwe monument, met ekspert-gidse wat alles omtrent die oorsprong, geskiedenis en uiteindelike agteruitgang van die stad, die verskeie handelsroetes en die geloofs- en sosiale gebruike van die eens vooruitstrewende gemeenskap in Zimbabwe kan vertel.

Jy kan ook die nabygeleë Mutirikwi-meer vir ‘n rustige bootrit of hengeluitstappie besoek, of op ‘n wildbesigtigingsrit in die Mutirikwi-meer Ontspanningspark gaan. Vir ‘n onvergeetlike ondervinding moet jy teen sonsondergang ‘n bootrit op die Mutirikwi-meer meemaak.